Gobi puducherry writings

  ஹான்ஸ்காலிர் ஹான்ஸ் – பெங்காலி நாடகத்தின் பார்வையாள அனுபவம் 'ஹான்ஸ்காலிர் ஹான்ஸ்' (ஹான்ஸ்காலியின் அன்னப்பறவைகள்) என்பது புகழ்பெற்ற புரட்சிகர நாடக ஆசிரியர் பிஜோன் பட்டாச்சார்யா எழுதிய, குறிப்பிடத்தக்க ஒரு பெங்காலி மொழி ஓரங்க நாடகமாகும். இதனை வடிவமைத்து இயக்கியவர் எனது இனிய நண்பரும் கொல்கத்தாவைச் சேர்ந்த நாடகச் செயல்பாட்டாளருமான பிஸ்வஜித் பிஸ்வாஸ் ஆவார். தென்னிந்திய நாடகப் பயணமாக இந்த 'ஹான்ஸ்காலிர் ஹான்ஸ்' நாடகம் 2026 அக்டோபர் மாதம் முழுக்கத் திட்டமிடப்பட்டுப் பயணித்து இறுதியாக தமிழ்நாடு ஆரோவில்லில் உள்ள ‘யாத்ரா’ நாடக அரங்கில் 03.11.2026 மாலை 7மணிக்கு நிகழ்த்தப்பட்டது. இந்த நிகழ்வில் பார்வையாளராகக் கலந்துக்கொண்ட   என் பார்வை அனுபத்திற்கு முன்பாக இந்த 'ஹான்ஸ்காலிர் ஹான்ஸ்' நாடகத்தின் எழுத்து மற்றும் இயக்கிய நாடகக் குழுக்களின் பின்புலங்களை தெளிவாக்கிக் கொள்ளுதல் நலம். பிஜோன் பட்டாச்சார்யா பிஜோன் பட்டாச்சார்யா 1930-ல் ஃபரித்பூரிலிருந்து (பங்களாதேஷ்) கல்கத்தாவிற்கு இடம்பெயர்ந்தார். அக்காலக்கட்டத்தில் அப்போதைய ஒருங்கிணைந்த இந்திய கம்யூனிஸ்ட் கட்சியில் இணைந்தார்...